Xovtooj sib txuas lus
Koj puas muaj lus nug txog Metro tej haujlwm lossis kev pab? Hu rau 503-797-1890 (8 a.m. txog 5 p.m. txhua hnub uas ua haujlwm) thiab qhia seb koj hais yam lus twg.
Tos Txais Koj Tuaj rau Metro
Metro ua haujlwm rau tshaj li 1.5 lab tus tibneeg uas lawv cov tsev nyob rau 24 lub nroog hauv cheebtsam Portland, Oregon. Cov tibneeg pov ntawv rau kev xaivtsa hais kom Metro pab cov haujlwm nyuaj lossis haujlwm tshiab uas hla ciam ntawm lub nroog thiab county.
Kev Hloov rau Yav Tom Ntej
Metro coj tibneeg los nyob ua ke txiav txim siab txog seb peb yuav loj hlob li cas, peb yuav khiav kev mus los li cas thiab yuav ua li cas rau peb tej khib nyiab. Metro tswj kev nqis tes rau haujlwm, tej kev thiab kev ciavhlau thiab tiv thaiv tej liaj teb, hav zoov thiab kom muaj huab cua thiab dej zoo pub rau cov tiam tom ntej.
Kev Pab rau Cheebtsam
Metro yog tus tswv thiab ua haujlwm rau 16,000 evkawj av uas yog chaw ua si thiab tej chaw uas tsis pub muab ua lwm yam (parks and natural areas), Lub chaw yug tsiaj Oregon Zoo, chaw khaws txuj ntawm Portland’5 Center for the Arts, Portland Expo Center thiab lub chaw sib txoos Oregon Convention Center. Ob lub chaw txais khib nyiab uas yog txais tej khib nyiab, khib nyiab uas yuav muab zom siv dua tshiab thiab tej khib nyiab atablais uas yog siv los ntawm tej tswvcuab thiab tej khw. Metro kuj muaj tej cuabyeej pab kev ua neej txhua hnub, xws li xovtooj pab kev txais khib nyiab uas yuav muab zom siv dua tshiab mus rau daim ntawv qhia kev rau tsheb kaujvab mus rau MetroPaint uas yog xim thas tsev.