ຮູ້ຈັກສິດທິຂອງທ່ານ
ຖ້າວ່າ ທ່ານຕ້ອງການນາຍພາສາ ເພື່ອໃຫ້ການຢັ້ງຢືນດ້ວຍຕົນເອງ, ຈົ່ງເຮັດຄຳຮ້ອງໄປທີ່ຫ້ອງການ Metro Council ທີ່ເບີໂທ 503-797-1916 ຢ່າງໜ້ອຍຫ້າວັນເຮັດວຽກລ່ວງໜ້າກ່ອນຮອດວັນປະຊຸມ.
ຖ້າວ່າ ທ່ານຕ້ອງການການບໍລິການ ຫຼື ການອຳນວຍຄວາມສະດວກ ເນື່ອງຈາກຄວາມພິການໃດໜຶ່ງ ຫຼື ເພື່ອໃຫ້ການຢືນຢັນດ້ວຍຕົນເອງ, ຈົ່ງເຮັດຄຳຮ້ອງເຖິງຫ້ອງການ Metro Council ທີ່ເບີໂທ 503-797-1916 ຢ່າງໜ້ອຍ 24 ຊົ່ວໂມງລ່ວງໜ້າກ່ອນຮອດວັນປະຊຸມ.
ຮຽນຮູ້ຕື່ມ
ທ່ານສາມາດແບ່ງປັນ ຫຼືສະແດງຄວາມຄິດເຫັນຂອງທ່ານ, ຄວາມຕ້ອງການ ແລະຄຳແນະນຳໃຫ້ແກ່ Metro Council ໄດ້ໃນຫຼາຍວິທີການ. ການມີສ່ວນຮ່ວມສະແດງຄວາມຄິດເຫັນຂອງທ່ານອາດສົ່ງຜົນຕໍ່ການຕັດສິນໃຈດ້ານນະໂຍບາຍໄດ້. ມັນຈະກາຍເປັນສ່ວນໜຶ່ງຂອງບັນທຶກຖາວອນສຳລັບການຕັດສິນໃຈໃດໜຶ່ງໃນພູມີພາກຂອງພວກເຮົາ.
ທ່ານສາມາດໃຫ້ຄຳຢືນຢັນໄດ້ໃນລະຫວ່າງ:
ການປະຊຸມຂອງສະພາ
ໃນຕອນເລີ່ມຕົ້ນຂອງການປະຊຸມສະພາທຸກຄັ້ງ, ປະທານ Metro Council ຈະເຊື້ອເຊີນຜູ້ຄົນເພື່ອໃຫ້ສະເໜີຄຳຢືນຢັນຢ່າງເປີດເຜີຍໃນຫົວຂໍ້ຕ່າງໆ ທີ່ອາດຢູ່ ຫຼື ອາດບໍ່ຢູ່ໃນວາລະການປະຊຸມ. ພາກສ່ວນນີ້ຂອງການປະຊຸມສະພາແມ່ນເອີ້ນວ່າ “ການສື່ສານກັບປະຊາຊົນ”
ການປະຊຸມຮັບຟັງຄວາມຄິດເຫັນຂອງປະຊາຊົນກ່ຽວກັບກົດຂໍ້ບັນຍັດຕ່າງໆ
ກົດໝາຍກຳນົດວ່າ ຂໍ້ບັນຍັດທັງໝົດຂອງ Metro Council ຕ້ອງໄດ້ຖືກເປີດເຜີຍໃນການປະຊຸມຮັບຟັງຄວາມຄິດເຫັນຂອງປະຊາຊົນ. ຢູ່ທີ່ກອງປະຊຸມຮັບຟັງຄວາມຄິດເຫັນຂອງປະຊາຊົນກ່ຽວກັບຂໍ້ບັນຍັດຕ່າງໆ ນັ້ນ, ປະຊາຊົນສາມາດສະເໜີຄຳຄິດເຫັນກ່ອນທີ່ສະພາຈະດຳເນີນການໃດໆ ກ່ຽວກັບກົດໝາຍ.
ການປະຊຸມຮັບຟັງຄວາມຄິດເຫັນຂອງປະຊາຊົນກ່ຽວກັບແນວທາງແກ້ໄຂບັນຫາຕ່າງໆ
ກົດໝາຍບໍ່ໄດ້ກຳນົດວ່າຈຳເປັນຕ້ອງມີການປະຊຸມຮັບຟັງຄວາມຄິດເຫັນຂອງປະຊາຊົນກ່ຽວກັບແນວທາງແກ້ໄຂບັນຫາຂອງສະພາ. ແຕ່ວ່າຄວາມຄິດເຫັນຂອງປະຊາຊົນກ່ຽວກັບແນວທາງແກ້ໄຂບັນຫານັ້ນແມ່ນຖືກຍອມຮັບພາຍໃຕ້ການພິຈາລະນາຂອງປະທານສະພາ.
ນອກຈາກນີ້ ທ່ານຍັງສາມາດຂຽນສະແດງຄວາມຄິດເຫັນໄດ້ທາງອອນລາຍ
ທ່ານສາມາດສົ່ງຄຳໃຫ້ການຢືນຢັນແກ່ Metro Council ທາງອອນລາຍໄດ້ທຸກເວລາ. ສົ່ງຄວາມຄິດເຫັນກ່ຽວກັບສິ່ງທີ່ທ່ານສົນໃຈ ພາຍໃນເວລາ 4 ໂມງບ່າຍ ຂອງວັນກ່ອນວັນປະຊຸມຂອງ Metro Council ທີ່ກຳນົດໄວ້ ເພື່ອວ່າ ຄວາມຄິດເຫັນຂອງທ່ານຈະເປັນສ່ວນໜຶ່ງຂອງບັນທຶກກອງປະຊຸມນັ້ນ. ກ່ອນເລີ່ມການປະຊຸມ, ສະມາຊິກ Metro Council ຈະໄດ້ຮັບຄວາມຄິດເຫັນທີ່ສົ່ງເຂົ້າມາພາຍໃນວັນເວລາທີ່ກຳນົດໄວ້.
ສົ່ງຄວາມຄິດເຫັນທາງອອນລາຍ
ວິທີການໃຫ້ຄວາມຄິດເຫັນທີ່ກອງປະຊຸມ
ການປະຊຸມສາທາລະນະຈັດຂຶ້ນໄດ້ທັງໃນຮູບແບບພົບປະດ້ວຍຕົນເອງ ແລະທາງອອນໄລນ໌.
ທ່ານສາມາດເຂົ້າຮ່ວມການປະຊຸມສະພາໄດ້ດ້ວຍຕົນເອງໃນວັນພະຫັດທີ່ Metro Regional Center ເວລາ 10:30 ໂມງເຊົ້າ, ຫຼື ເຂົ້າຮ່ວມທາງອອນໄລນ໌ຜ່ານຊູມ ( Zoom). ຖ້າວ່າ ທ່ານຕ້ອງການຄວາມຊ່ວຍເຫຼືອໃນການເຂົ້າເຖິງການປະຊຸມທາງອອນໄລນ໌, ກະຣຸນາໂທຣຕິດຕໍ່ຜູ້ປະສານງານຝ່າຍນິຕິບັນຍັດ (Legislative Coordinator) ທີ່ເບີໂທຣ 503-813-7591 ຫຼື ອີເມວ [email protected] ຢ່າງໜ້ອຍສອງວັນເຮັດວຽກລ່ວງໜ້າກ່ອນການປະຊຸມ.
ກ່ອນການປະຊຸມ
- ເບິ່ງວາລະການປະຊຸມ ເພື່ອເບິ່ງວ່າ ເລື່ອງທີ່ທ່ານສົນໃຈນັ້ນມີຢູ່ໃນວາລະການປະຊຸມບໍ່. ຄວາມຄິດເຫັນກ່ຽວກັບເລື່ອງຕ່າງໆ ທີ່ບໍ່ຢູ່ໃນວາລະການປະຊຸມ ຕ້ອງຖືກຈັດໃຫ້ຢູ່ໃນພາກສ່ວນຫົວຂໍ້ການສື່ສານກັບປະຊາຊົນໃນວາລະການປະຊຸມ ໃນເວລາເລີ່ມການປະຊຸມແຕ່ລະຄັ້ງ. ການຢືນຢັນຮັບຮອງກ່ຽວກັບກົດຂໍ້ບັນຍັດສະເພາະໃດໜຶ່ງ ຈະຖືກຈັດຂຶ້ນໃນລະຫວ່າງກອງປະຊຸມຮັບຟັງຄວາມຄິດເຫັນຂອງປະຊາຊົນຊຶ່ງກຳນົດໄວ້ສຳລັບຫົວຂໍ້ນັ້ນ.
- (ທາງເລືອກອື່ນ) ລົງທະບຽນລ່ວງ ໜ້າ ໂດຍການສົ່ງອີເມວຫາຜູ້ປະສານງານດ້ານນິຕິ ກຳ ທີ່ [email protected]. ໃຫ້ຜູ້ປະສານງານຮູ້ຖ້າທ່ານຕ້ອງການໃຫ້ ຄຳ ເຫັນຕໍ່ຫົວຂໍ້ໃດ ໜຶ່ງ ກ່ຽວກັບວາລະກອງປະຊຸມ. ຜູ້ທີ່ລົງທະບຽນໃນຕອນທ່ຽງຂອງມື້ປະຊຸມຈະຢູ່ແຖວ ໜ້າ ເພື່ອໃຫ້ ຄຳ ເຫັນ. ລົງທະບຽນລ່ວງ ໜ້າ ບໍ່ ຈຳ ເປັນຕ້ອງໃຫ້ ຄຳ ເຫັນຕໍ່ປະຊາຊົນ.
- ການໃຫ້ຄຳຢືນຢັນຂອງປະຊາຊົນແມ່ນຖືກຈຳກັດໃນເວລາສາມນາທີຕໍ່ຄົນ. ມັນອາດເປັນປະໂຫຍດທີ່ຈະຝຶກໄວ້ກ່ອນລ່ວງໜ້າ ເພື່ອໃຫ້ໝັ້ນໃຈວ່າ ທ່ານມີເວລາພໍ, ແລະເພື່ອຕຽມຂົງເຂດເນື້ອຫາ ເພື່ອທ່ານຈະບໍ່ຕ້ອງອ່ານຄຳຢືນຢັນແບບຄຳຕໍ່ຄຳ. ຖ້າວ່າ ມີຄົນຈຳນວນຫຼາຍທີ່ລົງຊື່ເພື່ອໃຫ້ການຢືນຢັນ, ການໃຫ້ເວລາເພື່ອໃຫ້ຄຳຢືນຢັນສາມນາທີນັ້ນອາດຈຳເປັນຕ້ອງຫຼຸດລົງ ເພື່ອໃຫ້ໝັ້ນໃຈວ່າ ທຸກຄົນຈະມີໂອກາດໃນການເວົ້າ.
ຢູ່ທີ່ການປະຊຸມອອນລາຍ
- ໃນວັນປະຊຸມ, ຂໍໃຫ້ເຂົ້າໄປເບິ່ງທີ່ໜ້າ ປະຕິທິນກອງປະຊຸມຂອງ Metro Council. ຊອກເບິ່ງກອງປະຊຸມທີ່ທ່ານຢາກເຂົ້າຮ່ວມ ແລະຄລິກທີ່ລິງຄ໌ ເພື່ອເຂົ້າຮ່ວມຜ່ານຄອມພິວເຕີຂອງທ່ານ. ຖ້າວ່າ ທ່ານຕ້ອງການເຂົ້າຮ່ວມໂດຍທາງໂທລະສັບ, ຂໍໃຫ້ໂທຕິດຕໍ່ເບີໂທລະສັບທີ່ບົ່ງໄວ້ໃນໜ້າເວັບເພຈ. ໃຫ້ເວລາຕົນເອງຈັກສອງສາມນາທີ ເພື່ອເຂົ້າລະບົບ ຖ້າວ່ານີ້ແມ່ນການເຂົ້າຮ່ວມປະຊຸມທາງອອນລາຍຄັ້ງທຳອິດຂອງທ່ານ.
- ລໍຖ້າຈົນຮອດວາລະການປະຊຸມຫົວຂໍ້ການສື່ສານກັບປະຊາຊົນ, ຫຼື ການປະຊຸມຮັບຟັງຄວາມຄິດເຫັນຂອງປະຊາຊົນ ກ່ຽວກັບກົດຂໍ້ບັນຍັດໃດໜຶ່ງ. ຊື່ຂອງທ່ານຈະຖືກເອີ້ນຂຶ້ນເມື່ອຮອດເວລາຂອງທ່ານ, ຖ້າວ່າ ທ່ານລົງຊື່ໄວ້ລ່ວງໜ້າ. ຖ້າວ່າ ທ່ານບໍ່ໄດ້ລົງຊື່ໄວ້ລ່ວງໜ້າ, ຂໍໃຫ້ຟັງຄຳແນະນຳສຳລັບວິທີການ (ຍົກມື) ທາງໜ້າຈໍ.
- ເລີ່ມການໃຫ້ຄຳຢືນຢັນຂອງທ່ານໂດຍການເວົ້າວ່າ “ເພື່ອການບັນທຶກ ຂ້າພະເຈົ້າຊື່ ______.”
- ກ່າວເຖິງສະພາໂດຍໃຊ້ຄຳວ່າ “ຮຽນທ່ານປະທານສະພາ ແລະສະມາຊິກສະພາທຸກທ່ານ.”
- ຖ້າວ່າ ທ່ານສະແດງຄວາມຄິດເຫັນກ່ຽວກັບການຕັດສິນໃຈຂອງສະພາ ຕາມຕາຕະລາງທີ່ກຳນົດໄວ້, ຈົ່ງເວົ້າວ່າ ທ່ານສະໜັບສະໜູນ ຫຼື ຄັດຄ້ານ ມາດຕະການທາງກົດໝາຍນັ້ນ. ຂໍໃຫ້ອະທິບາຍເຫດຜົນສັ້ນໆ ສະໜັບສະໜູນຄວາມຄິດເຫັນສ່ວນຕົວຂອງທ່ານດ້ວຍຂໍ້ເທັດຈິງຫຼາຍເທົ່າທີ່ເປັນໄປໄດ້.
ວິທີການໃຫ້ຄວາມຄິດເຫັນດ້ວຍຕົນເອງ
ຫ້ອງສະພາແມ່ນຕັ້ງຢູ່ພາຍໃນສູນ Metro Regional Center, 600 NE Grand Ave. ໃນເຂດ Lloyd District ຂອງພອທແລນດ໌.
ກະລຸນາຮັບຮູ້ໄວ້ວ່າ ກອງປະຊຸມຮັບຟັງຄວາມຄິດເຫັນຂອງປະຊາຊົນຂອງ Metro ທັງໝົດນັ້ນ ປັດຈຸບັນນີ້ຈັດຂຶ້ນຜ່ານໂປຣແກຣມ Zoom ເນື່ອງຈາກການ COVID-19. ຖ້າວ່າ ທ່ານຕ້ອງການຄວາມຊ່ວຍເຫຼືອໃນການເຂົ້າເຖິງການປະຊຸມທາງອອນລາຍ, ກະລຸນາໂທຕິດຕໍ່ ຜູ້ປະສານງານດ້ານກົດມາຍ ທີ່ເບີໂທ 503-797-1916 ຢ່າງໜ້ອຍ 2 ວັນເຮັດວຽກລ່ວງໜ້າກ່ອນຮອດວັນປະຊຸມ.
ກ່ອນການປະຊຸມ
- ເບິ່ງວາລະການປະຊຸມລ່ວງໜ້າທາງອອນລາຍ ຫຼື ໃນຫ້ອງສະພາ ເພື່ອເບິ່ງວ່າ ເລື່ອງທີ່ທ່ານສົນໃຈນັ້ນຢູ່ໃນວາລະການປະຊຸມຫຼືບໍ່.
- ການໃຫ້ຄຳຢືນຢັນຂອງປະຊາຊົນແມ່ນຈຳກັດໃຫ້ສາມນາທີຕໍ່ຄົນ. ມັນອາດເປັນປະໂຫຍດທີ່ຈະຝຶກໄວ້ກ່ອນລ່ວງໜ້າ ເພື່ອໃຫ້ໝັ້ນໃຈວ່າ ທ່ານມີເວລາພໍ, ແລະເພື່ອຕຽມຂົງເຂດເນື້ອຫາ ເພື່ອທ່ານຈະບໍ່ຕ້ອງອ່ານຄຳຢືນຢັນແບບຄຳຕໍ່ຄຳ. ຖ້າວ່າ ມີຄົນຈຳນວນຫຼາຍທີ່ລົງຊື່ເພື່ອໃຫ້ການຢືນຢັນ, ການໃຫ້ເວລາເພື່ອໃຫ້ຄຳຢືນຢັນສາມນາທີນັ້ນອາດຈຳເປັນຕ້ອງຫຼຸດລົງ ເພື່ອໃຫ້ໝັ້ນໃຈວ່າ ທຸກຄົນຈະມີໂອກາດໃນການເວົ້າ.
- ຖືເອົາສຳເນົາ 10 (ສິບ) ສະບັບຂອງເອກະສານສະໜັບສະໜູນໃດໆ, ເຊັ່ນ ແຜນທີ່ ຫຼື ເອກະສານເນື້ອຫາອື່ນໆ, ແລະສຳເນົາພິເສດອີກໜຶ່ງສະບັບທີ່ເປັນຄຳຢືນຢັນທີ່ຂຽນເປັນລາຍລັກອັກສອນຂອງທ່ານ. ໃຫ້ສຳເນົາເຫຼົ່ານີ້ແກ່ຜູ້ປະສານງານດ້ານກົດໝາຍເມື່ອທ່ານຖືກເອີ້ນເພື່ອໃຫ້ຄຳຢືນຢັນ.
ຢູ່ທີ່ກອງປະຊຸມ
- ຖ້າວ່າ ທ່ານມາຮອດກອງປະຊຸມ ແລະຫົວຂໍ້ເລື່ອງຂອງທ່ານບໍ່ຢູ່ໃນວາລະການປະຊຸມ, ຂໍໃຫ້ຖາມຜູ້ປະສານງານດ້ານກົດໝາຍວ່າ ທ່ານຄວນໃຫ້ການຢືນຢັນໃນລະຫວ່າງພາກສ່ວນຫົວຂໍ້ການສື່ສານກັບປະຊາຊົນ ຫຼືບໍ່, ຫຼືວ່າ ທ່ານຄວນກັບຄືນມາໃຫ້ການຢືນຢັນໃນເວລາທີ່ຫົວຂໍ້ເລື່ອງຂອງທ່ານຖືກກຳນົດໄວ້ໃນຕາຕະລາງໃນເວລາອື່ນ.
- ຕື່ມຂໍ້ມູນລົງໃນບັດຄຳໃຫ້ການຢືນຢັນ ໂດຍບອກຊື່ຂອງທ່ານ, ທີ່ຢູ່ ແລະຫົວຂໍ້ວາລະການປະຊຸມ (ຖ້າກ່ຽວຂ້ອງ) ສົ່ງບັດໃຫ້ແກ່ຜູ້ປະສານງານດ້ານກົດໝາຍ ທ່ານຕ້ອງມາສົ່ງບັດດ້ວຍຕົນເອງ. ສະພາອະນຸຍາດໃຫ້ມີບັດໄດ້ໜຶ່ງຄົນຕໍ່ໜຶ່ງບັດເທົ່ານັ້ນ, ຕໍ່ການປະຊຸມ. ປະທານສະພາເປັນຜູ້ຕັດສິນລຳດັບທີ່ສະມາຊິກປະຊາຊົນຈະຖືກເອີ້ນເພື່ອໃຫ້ເວົ້າ.
- ເມື່ອທ່ານຖືກເອີ້ນເພື່ອໃຫ້ການຢືນຢັນ, ຈົ່ງໄປທີ່ໜ້າຫ້ອງ ແລະນັ່ງທີ່ໂຕະທີ່ມີໄມໂຄໂຟນ. ເລີ່ມການໃຫ້ຄຳຢືນຢັນຂອງທ່ານ ໂດຍເວົ້າວ່າ “ເພື່ອການບັນທຶກ ຂ້າພະເຈົ້າຊື່ ______.”
- ກ່າວເຖິງສະພາໂດຍໃຊ້ຄຳວ່າ “ຮຽນທ່ານປະທານສະພາ ແລະສະມາຊິກສະພາທຸກທ່ານ.”
- ເລີ່ມຕົ້ນໂດຍການເວົ້າວ່າ ທ່ານສະໜັບສະໜູນ ຫຼື ຄັດຄ້ານ ມາດຕະການກົດໝາຍທີ່ຢູ່ໃນວາລະການປະຊຸມນັ້ນ. ຂໍໃຫ້ອະທິບາຍເຫດຜົນສັ້ນໆ ສະໜັບສະໜູນຄວາມຄິດເຫັນສ່ວນຕົວຂອງທ່ານດ້ວຍຂໍ້ເທັດຈິງຫຼາຍເທົ່າທີ່ເປັນໄປໄດ້.
ວິທີການໃຫ້ຄວາມຄິດເຫັນຂອງທ່ານທາງໄປສະນີ
- ສົ່ງໜັງສືຄຳໃຫ້ການຢືນຢັນທາງໄປສະນີໄປທີ່ທີ່ຢູ່ 600 NE Grand Ave. Portland, OR 97232 ໂດຍສົ່ງເຖິງ Metro Council.
- ບອກຊື່ ແລະຂໍ້ມູນຕິດຕໍ່ຂອງທ່ານ.
- ຄັດຕິດສຳເນົາ 10 (ສິບ) ສະບັບຂອງເອກະສານສະໜັບສະໜູນໃດໆ, ເຊັ່ນ ແຜນທີ່ ຫຼື ເອກະສານເນື້ອຫາອື່ນໆ.
- ລະບຸໃນຄວາມຄິດເຫັນຂອງທ່ານວ່າ ຄຳໃຫ້ການຢືນຢັນທີ່ທ່ານຍື່ນສົ່ງໃຫ້ນັ້ນກ່ຽວພັນກັບຫົວຂໍ້ເລື່ອງທີ່ຢູ່ໃນວາລະການປະຊຸມ ສຳລັບການປະຊຸມສະພາທີ່ກຳລັງມາຮອດ ຫຼື ສຳລັບກອງປະຊຸມຮັບຟັງຄວາມຄິດເຫັນຂອງປະຊາຊົນ. ຄຳໃຫ້ການຢືນຢັນຕ້ອງໄດ້ຮັບກ່ອນການເລີ່ມປະຊຸມ ເພື່ອໃຫ້ເປັນສ່ວນໜຶ່ງຂອງບັນທຶກການປະຊຸມ.
- ສຳເນົາຂອງຄຳໃຫ້ການຢືນຢັນຂອງທ່ານຈະຖືກຈັດຫາໃຫ້ແກ່ສະພາ ຖ້າວ່າ ໄດ້ຮັບກ່ອນຮອດວັນປະຊຸມສະພາທີ່ກຳນົດໄວ້ໃນຕາຕະລາງ.