ກົດໝາຍລັດຖະບານກາງຫ້າມການຂົ່ມຂູ່ ຫຼື ການແກ້ແຄ້ນທຸກປະເພດສຳລັບການຍື່ນຄຳຮ້ອງທຸກ.
ບັນຫາໃດໜຶ່ງບໍ່ພົວພັນກັບການຈຳແນກຄວາມແຕກຕ່າງເນື່ອງຈາກເຊື້ອຊາດ, ສີຜິວ, ຊາດກຳເນີດ, ເພດ, ອາຍຸ, ຄວາມພິການ ຫຼື ລະດັບລາຍຮັບຈະຖືກສົ່ງໄປຫາພະແນກ ຫຼື ອົງການທີ່ເໝາະສົມເພື່ອທຳການແກ້ໄຂ.
ຜູ້ປະສານງານພາກ Title VI ຂອງ Metro ໃຊ້ທຸກຄວາມພະຍາຍາມ ເພື່ອແກ້ໄຂຄຳຮ້ອງທຸກ. ຜູ້ປະສານງານພາກ Title VI ຈະຈັດກຳນົດເວລາສຳພາດເລີ່ມຕົ້ນກັບບຸກຄົນທີ່ກ່ຽວຂ້ອງ ເພື່ອກຳນົດການຊ່ວຍເຫຼືອຕາມທີ່ຂໍ ແລະ ເພື່ອປຶກສາຫາລືທາງເລືອກໃນການແກ້ໄຂ. ຜູ້ປະສານງານ Title VI ອາດຈະແນະນຳໃຫ້ມີການໄກ່ເກ່ຍບໍ່ເປັນທາງການຢູ່ໃນຂັ້ນຕອນໃດໜຶ່ງຂອງຂະບວນການ ເພື່ອແກ້ໄຂບັນຫາ. ການຍື່ນຄຳຮ້ອງທຸກກັບ Metro ຈະບໍ່ນຳໄປສູ່ການເກັບເອົາຄວາມເສຍຫາຍທາງດ້ານການເງິນຄືນ, ແຕ່ຈະອະນຸຍາດໃຫ້ບຸກຄົນຜູ້ທີ່ໄດ້ຮັບຜົນກະທົບມາປຶກສາຫາລືບັນຫາໃດໜຶ່ງ ແລະ ສ້າງວິທີການແກ້ໄຂຕ່າງໆ. ໃນບາງກໍລະນີນັ້ນ, ອົງການຂອງລັດ ຫຼື ລັດຖະບານກາງອາດຈະມີອຳນາດກວດຫາ ຫຼື ສືບສວນເລື່ອງດັ່ງກ່າວ.
ທາງເລືອກການຍື່ນ
ເຖິງແມ້ວ່າທ່ານຍື່ນຄຳຮ້ອງທຸກກັບ Metro ກໍ່ຕາມ, ທ່ານຍັງມີສິດຍື່ນຄຳຮ້ອງທຸກເປັນທາງການກັບອົງການອື່ນຂອງລັດຖະບານ ແລະ ຂໍໃຫ້ທະນາຍຄວາມເປັນຕົວແທນຂອງທ່ານໄດ້.
ທ່ານອາດຈະຍື່ນຄຳຮ້ອງທຸກຕາມພາກ Title VI ກັບ:
- ຜູ້ປະສານງານພາກ Title VI ຂອງ Metro (Metro's Title VI Coordinator)
- ພະແນກສຳນັກງານຂົນສົ່ງວ່າດ້ວຍສິດທິພົນລະເມືອງລັດໂອເລກອນ (Oregon Department of Transportation Office of Civil Rights)
- ອົງການບໍລິຫານທາງຫຼວງລັດຖະບານກາງ ຫຼື ອົງການຂົນສົ່ງລັດຖະບານກາງ (Federal Highway Administration or Federal Transit Administration)
- ກະຊວງຂົນສົ່ງສະຫະລັດ (U.S. Department of Transportation)
- ກະຊວງຍຸຕິທຳສະຫະລັດ (U.S. Department of Justice).
ຂັ້ນຕອນດຳເນີນງານຂອງ Metro
ການຈຳກັດເວລາ. ບຸກຄົນຕ້ອງຍື່ນຄຳຮ້ອງທຸກບໍ່ເກີນ 180 ວັນຕາມປະຕິທິນຫຼັງຈາກສິ່ງໃດໜຶ່ງຕໍ່ໄປນີ້ຄື:
- ວັນທີຂອງການດຳເນີນການຈຳແນກຕາມທີ່ໄດ້ກ່າວຫາ ຫຼື
- ວັນທີ ເມື່ອບຸກຄົນຮູ້ວ່າມີການຈຳແນກຕາມທີ່ໄດ້ກ່າວຫາ.
ເງື່ອນໄຂກຳນົດຄຳຮ້ອງທຸກ. ຄຳຮ້ອງທຸກຕ້ອງ:
- ຂຽນເປັນລາຍລັກອັກສອນ ແລະ ລົງລາຍເຊັນ ຫຼື ມີການຢັ້ງຢືນໂດຍບຸກຄົນີ່ຍື່ນຄຳຮ້ອງທຸກ
- ມີວັນທີຂອງການກະທຳການຈຳແນກຄວາມແຕກຕ່າງຕາມທີ່ຖືກກ່າວຫາ (ວັນທີເມື່ອບຸກຄົນຮູ້ຈັກວ່າມີການຈຳແນກຄວາມແຕກຕ່າງຕາມທີ່ຖືກກ່າວຫາ, ວັນທີເຊິ່ງການປະພຶດຖືກຢຸດໄປ, ຫຼື ວັນທີເກີດການປະພຶດຂຶ້ນມາຫຼ້າສຸດ
- ໃຫ້ລາຍລະອຽດຂອງບັນຫາ, ລວມທັງຊື່ ແລະ ຕຳແໜ່ງວຽກຂອງບັນດາບຸກຄົນທີ່ຮູ້ວ່າເປັນຝ່າຍທີ່ຢູ່ໃນເຫດການ.
ການສົ່ງຄຳຮ້ອງທຸກ. ບຸກຄົນຕ້ອງສົ່ງຄຳຮ້ອງທຸກທີ່ລົງລາຍເຊັນແລ້ວໄປຫາຜູ້ປະສານງານ Title VI ຜ່ານ:
- ແບບຟອມທາງເວັບ
- ທາງໄປສະນີ ຫຼື ສົ່ງເຖິງ: Title VI Coordinator, Metro 600 NE Grand Ave., Portland, OR 97232
ຄຳຮ້ອງທຸກແມ່ນຈະລົງວັນທີໄດ້ຮັບເປັນວັນທີຍື່ນ. ຄຳຮ້ອງທຸກປາກເປົ່າແມ່ນຈະໄດ້ຂຽນເປັນລາຍລັກອັກສອນ ແລະ ເອົາໃຫ້ຜູ້ຮ້ອງທຸກກວດກາຄືນ ຫຼື ໃຫ້ການຢືນຢັນ, ແລະ ລົງລາຍເຊັນ ຫຼື ຢັ້ງຢືນຄືນໃໝ່ກ່ອນດຳເນີນການຕໍ່.
ການປົດປ່ອຍຄຳຮ້ອງທຸກ. ຜ້ປະສານງານພາກ Title VI ອາດຈະປົດປ່ອຍຄຳຮ້ອງທຸກໂດຍບໍ່ມີການສືບສວນ ຖ້າ:
- ຄຳຮ້ອງທຸກບໍ່ໄດ້ຍື່ນພາຍໃນກອບເວລາ 180 ວັນ
- ຄຳຮ້ອງທຸກຖືກຖອນຄືນ
- ຜູ້ຮ້ອງທຸກບໍ່ປະກອບຂໍ້ມູນຕາມທີ່ຕ້ອງການໃຫ້ ຫຼັງຈາກໄດ້ມີການຂໍຊ້ຳຄືນຫຼາຍເທື່ອ
- ຜູ້ຮ້ອງທຸກບໍ່ອອກນາມ ຫຼື ບຸກຄົນຜູ້ທີ່ຍື່ນຄຳຮ້ອງທຸກນັ້ນບໍ່ສາມາດຊອກຫາໄດ້ຫຼັງຈາກມີຄວາມພະຍາຍາມເຕັມທີ່ແລ້ວ.
ການທົບທວນຄຳຮ້ອງທຸກຄືນ. ເມື່ອໄດ້ຮັບຄຳຮ້ອງທຸກແລ້ວ, ຜູ້ປະສານງານພາກ Title VI ຈະເບິ່ງໃຫ້ແນ່ໃຈວ່າ ຄຳຮ້ອງທຸກມີຂໍ້ມູນທີ່ຈຳເປັນຄົບຖ້ວນ, ທັນເວລາ ແລະ ຢູ່ພາຍໃນອຳນາດຂອງ Metro, ເຊິ່ງຕາມປົກກະຕິແມ່ນຈະຢູ່ພາຍໃນຫ້າວັນຕາມປະຕິທິນ ເມື່ອໄດ້ຮັບແລ້ວ. ຜູ້ປະສານງານພາກ Title VI ອາດຈະສົ່ງຄຳຮ້ອງທຸກຕໍ່ Metro ໄປຍັງພະແນກຫ້ອງການຂົນສົ່ງສິດທິພົນລະເມືອງລັດໂອເລກອນ ເພື່ອໃຫ້ທຳການສືບສວນ. ຖ້າຄຳຮ້ອງທຸກປະກອບບໍ່ຄົບຖ້ວນ, ຜູ້ປະສານງານພາກ Title VI ຈະຕິດຕໍ່ຫາບຸກຄົນຜູ້ຍື່ນຄຳຮ້ອງທຸກ ເພື່ອຂໍຂໍ້ມູນເພີ່ມເຕີມ. ບຸກຄົນຜູ້ຍື່ນຄຳຮ້ອງທຸກມີເວລາ 10 ວັນທີ່ ເພື່ອຕອບຮັບການຂໍຂໍ້ມູນເພີ່ມເຕີມ.
ການແຈ້ງການສືບສວນ. ຫຼັງຈາກທຳການກຳນົດແລ້ວ Metro ຈະຮັບເອົາຄຳຮ້ອງທຸກມາທຳການສືບສວນ, ຜູ້ປະສານງານພາກ Title VI ຈະອອກເລກທີເລື່ອງໃຫ້ ແລະ ບັນທຶກຄຳຮ້ອງທຸກ, ພື້ນຖານຂອງມັນ, ອັນຕະລາຍທີ່ໄດ້ກ່າວຫາ ແລະ ເຊື້ອຊາດ, ສີຜິວ, ຊາດກຳເນີດ, ຄວາມພິການ, ອາຍຸ ແລະ ເພດຂອງຜູ້ຮ້ອງທຸກຕາມຄວາມເໝາະສົມ. ຜູ້ປະສານງານພາກ Title VI ຈະສົ່ງໜັງສືແຈ້ງການ ແລະ ແບບຟອມໃບຍິນຍອມໄປໃຫ້ຜູ້ຮ້ອງທຸກ ຫຼື ສົ່ງໜັງສືແຈ້ງການໄປໃຫ້ກັບບຸກຄົນ, ບໍລິສັດ ຫຼື ອົງການນັ້ນ ຖ້າ Metro ບໍ່ແມ່ນພາກສ່ວນຂອງຄຳຮ້ອງທຸກ. ບຸກຄົນຂອງຄຳຮ້ອງທຸກມີເວລາ 10 ວັນທີ່ ເພື່ອຕອບຮັບການກ່າວຫາເປັນລາຍລັກອັກສອນ. ຈາກນັ້ນ ຜູ້ປະສານງານຈະສືບສວນຄຳຮ້ອງທຸກດ້ວຍການປະສານງານກັບຫ້ອງການທະນາຍຄວາມຂອງເມໂຕຣ (Office of Metro Attorney) ແລະ ຫ້ອງການບໍລິຫານງານຂອງຫົວໜ້າຂອງເມໂຕຣ (Metro's Chief Operating Officer).
ການແກ້ໄຂ ແລະ ການແຈ້ງການ. Metro ພະຍາຍາມດຳເນີນການສືບສວນຄຳຮ້ອງທຸກພາກ Title VI ທັງໝົດໃຫ້ສຳເລັດພາຍໃນ 60 ວັນຕາມປະຕິທິນ ເມື່ອໄດ້ຮັບຄຳຮ້ອງທຸກ. ໃນເມື່ອສຳເລັດການສືບສວນແລ້ວ, Metro ຈະແຈ້ງໃຫ້ຝ່າຍຕ່າງໆຮູ້ເຖິງຜົນໄດ້ຮັບຂອງການສືບສວນ ແລະ ສົ່ງບົດລາຍງານການສື່ສວນສະບັບສົມບູນ ແລະ ສຳເນົາຄຳຮ້ອງທຸກໄປຍັງພະແນກຂົນສົ່ງລັດໂອເລກອນ (Oregon Department of Transportation), ອົງການທາງຫຼວງແຫ່ງຊາດ (Federal Highway Administration) ຫຼື ອົງການຂົນສົ່ງແຫ່ງຊາດ (Federal Transit Administration) ຕາມຄວາມເໝາະສົມ.